Songs /lyrics


آجاویں تے چنگا اے
سارے کاج نبیڑی بیٹھا آجاویں تے چنگا اے
پچھلے قصے چھیڑی بیٹھا آجاویں تے چنگا اے
میرا شوق ملن دا تینوں دم دم ودھدا جاندا ایں
ویکھوں وعدہ پورا ہوندا یا اوہ اڈیک ودھاندا ایں
لا کے آس گھنیری بیٹھا آجاویں تے چنگا اے
ٹنڈاں وچوں بھر بھر پانی بکیں بکیں پیناواں
اوہ گھڑیاں اوہ میل دے منظر جناں صدقے جیناواں
کھوہ یاداں دے گھیڑی بیٹھا آجاویں تے چنگا اے
تیری خاطر بوہے کھلے اکھیاں فرش وچھایا اے
دل دا کمرہ صاف کراکے عطر پھلیل لگایا اے
دامن فیر ادھیڑی بیٹھا آجاویں تے چنگا اے
تیرے بُلاّں اوتے ہاسے ویکھن واسطے سجنا وے
کیڑے ویلے دا میں بیٹھا نین سجا کے سجنا وے
لا پھلاں دی ڈھیڑی بیٹھا آجاویں تے چنگا اے

song No.2

آون دا توں وعدہ کر
آون دا توں وعدہ کر میں اکھاں فرش وشا دیواں
پنڈی توں کراچی تک پھلاں نال سجادیواں
مک جاوے میرا رات دا پینڈا،میں وی کوئی سویر کراں
سجرے اٹھاں،خالی پانڈے بکی بکی نال بھراں
بند دروازے سارے کھولاں عطرپھلیل لگا دیواں
آون دا توں وعدہ کر میں اکھاں فرش وشا دیواں
خوشیاں میرا ویہڑا ویکھن، میں خوشیاں نوں ویکھاں
غماں دی ایں چادر لاکے سکھاں دی دھپ سکیاں
وریاں دیاں ساریاں پیڑاں اکو وار مکا دیواں
آون دا توں وعدہ کر میں اکھاں فرش وشا دیواں
میری روح دا پنچھی تے اڑن توں وی ڈردا ایں
تیرے روزے رکھدا ایں ،تیری تسبی پڑھدا ایں
تینوں رب سلامت رکھے،ارشد ایں دعا دیواں
آون دا توں وعدہ کر میں اکھاں فرش وشا دیواں

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s